Metro - Terzine di endecasillabi a rima alternata.
Da sinistra: Francesco Groe e Antonio Longo
(clicca sull'immagine per ingrandire)
Corna, cornicella e corniciuni
Se portau zimbarigni supra 'a frunta;
I gulli su' dipiersi cu' i "sansuni".
Ia mi nde partu alla Sarra a lavurare;
Ndo viju bacchettuni mi nd'arrassu;
Cangiu la strata ppe nun le scuntare.
Quanti poveri cruci a ramingare
Sutta 'u pericuvu a jurnate sane,
E ccadi li muglieri bagasciare.
Le scrivanu ca ie' sempre rispettatu,
Portanu veste e capilli alla moda;
Manda sordi curnutu patentatu.
E quandu ie' l'ura de lu pagamentu
I cani 'e vanu circanu alla hatta
C'all' ammucciuni cc'ie' llu cumprimentu.
Appuntamenti a tiermini e spuntuni
Ccu suduri d' 'i povari scurciati,
Tabaccu e sicarette alli strigliuni.
Quandu tornau lli poveri scuntienti,
Chjiangiendu se 'ncatturanu allu cuollu:
Oj varca de la casa, cu' te sienti?
No cchjiu` corna de vue e ne' de muntuni;
Su' dissusati li hierri d' 'i ciucci
E zagarelle russe alli purtuni.
Ve vuogliu salutare ad unu ad unu;
Cumpagni mia cantamu tutti quanti:
Ebbiva l'annu de lu sessantunu.