Strina composta per Piero Mazzotta il 2 gennaio 1997 e cantata alla serata della strina laghitana organizzata dal Circolo di Lago in Toronto - Canada, i primi di gennaio 1997.

Carmine Groe è stato, tutti gli anni, il compagno inseparabile di Piero nelle avventurose serate delle strine. Il 1997 è l'anno in cui Carmine si sposa e decide di non cantare piú, malgrado gli scongiuri, e i tentativi di portarlo, ancora una volta, sul palcoscenico. E allora, ecco che Piero arriva da solo, appassionatamente, con il suo omaggio al compagno: «Quest'anno ti sposi; abbiti i miei migliori auguri, goditi la tua bella e accenditi d'amore come vuoi ma…sarva 'na vamparella ppe lla strina!»

Metro - Terzine di endecasillabi a rima alternata.

Buoni venuti a be sente' la strina;
Aguru a furestieri e paisani,
Salute e cuntentizza senza hina.

Stasira cantu senza lu cumpagnu,
E forse stramunutu ia cce signu
'Nde sientu la mancanza e mi 'nde lagnu.

Tu chitarrella duname curaggiu
E sona chjianu chjianu e lieggiu lieggiu;
Assiemi a ttia le vuogliu ha' n'omaggiu.

Le vuogliu dire a nume 'e tutt' 'i dui:
Cchi core tieni tu cumpagnu mia?
N'abbandunatu e 'un vieni canti cchjiui?

Eppuru tu 'na vota m'avie' dittu:
«'A strina ie' cuomu mille kilowatte
E si la tuocchi cce rimani 'mpittu!»

Ricuordu 'a notte scura 'e chillu viernu
Chi si' benutu tu ccu 'na linterna
E simu esciuti hore de lu 'mpiernu.

E cchilli viersi de le strine storte
Remasti scritti a 'nu hogliu de carta
Ed alla mente mia 'nzin'alla morte.

Tu me 'ncuraggi e tu me puorti a tiru
De jie' a cantare la terzina a coru,
E mue me lassi sulu cu' 'nu piru!

Chist'annu si' 'mpicciatu ca te 'nzuri;
Cent'anni e figli masculi strinari,
Tanta felicitate e tanti aguri!

Godate ccu 'ssa stilla matutina,
Appiccicate 'e bene e de passione,
Sarva 'na vamparella ppe lla strina.

Cumpagnu mia ormai cchi te dicu?
Speru ca cangi capu a puoco a puocu,
E accettame 'st'omaggiu de n'amicu!