Testo composto tra il 26 e il 30 dicembre 1996 per Antonio Barone di Sault Ste. Marie che l’ha cantato alla rassegna della “strina laghitana” di Toronto nel gennaio del 1997.

 

Un giorno di tanti anni fa decisi di lasciare la Calabria; presi l’aeroplano ed emigrai in Canada in cerca di miglior fortuna.
In terra canadese lavorai per molti anni insieme con mia moglie, facendo tanti sacrifici. Finalmente comprammo la casetta, crescemmo i figliuoli e piano piano attendemmo che
si sposassero.
Ora siamo di nuovo soli, e ogni giorno mi viene in mente il sole tiepido della Calabria. Come vorrei  raccogliere due grappoli d’uva e un cestino di fichi, udire un grillo cantare nella sterpaia  e  sentire il profumo delle viole che nascono fra le pietre. Vorrei  ancora riempirmi il cavo delle mani di acqua fresca alla fontana e dissetarmi. E chissà  che, ispirato da uno stravagante quarto di luna, un giorno prenda di nuovo l’aeroplano!

Metro - Terzine di endecasillabi a rima alternata.

‘Nu jurnu de 'nu tiempu assai luntanu,
Ia ch’ere’  cannarutu de lu sordu
Dicisi de pigliare l’ariupranu.

E ccu llu core nchjinu d’amarizza
Abbandunai la Calabria bella,
Ca 'u Canada ere’ terra de ricchizza.

Difatti ccu muglierama a pariglia
N’àmu cumpratu 'a machina e lla casa,
Crisciutu e sistematu la hamiglia.

Tant’anni de hatiga e de spravita.
E mue simu sulilli n’atra vota,
E quasi quasi  ‘America ie’ finita.

Mue, cuomu 'nu citruvu simentinu,
Staju curcatu 'na jurnata sana;
Me va’ lla capu cuomu 'nu mulinu.

Ia, ccu 'na puoco 'e sule calabrise
Squagliradi 'a nivera de stu core,
‘U gelu chi cumboglie stu paise.

E ppe 'na pendulilla d’uva janca
E 'nu cistiellu 'e hicu ccu llu mele
Vruscere’ tutt’ 'i sordid de la banca.

Ppe sentare 'nu grillu de ristucciu
E bide’  'na licerta assulicchjiare
‘U carru lu cangere’ ccu llu ciucciu.

Pped’urdura’  'na  viova de petraru
Sta casa grande  'a diessi’ allu musèu
E jere’ a dorme’  'apede a 'nu pagliaru.

Ppe 'na vivuta d’acqua 'ncapu 'e manu
Aspiettu chi se ha’  'nu quartu 'e luna
E pigliu n’atra vota l’ariupranu.