Gruppi di parenti, paesani e loro conoscenti forestieri, si sono prepotentemente impossessati di un centro sociale e culturale rifocillandovisi, con l’intento di creare in esso il loro luogo di culto. L’autore, supefatto, rivolgendosi a costoro dice: « ma siete davvero cafoni, ladri, pezzenti, svergognati, prepotenti? A quale religione e a quale Dio appartenete? Come ci andate di fronte alla Madonna sapendo che, oltre a vivere da parassiti, create zizzania nell’ambiente del Club sino al punto di aver quasi distrutto l’intera Associazione che era stata creata in quaranta anni di lavoro? Siete dei poveretti (sciacquavattuche),
uomini da nulla, che senza l’aiuto del prete del piccolo paesello, non sanno fare niente. Io chiedo scusa alla mia fierezza che tento di mantenere inalterata ma per causa vostra, alcune volte,
mi vergogno delle mie origini».

Metro - Terzine di endecasillabi a rima alternata

Parienti, paisani e cumpagnia,
‘U Club nuostru ie' diventata 'a casa
De Lazzaru, de Marta e de Maria.

Ammenu vi l'aviti cumpessatu
Ca v'aviti arrubbatu quattru voti
Ppe putie trasere allu “Comitatu”?

Siti cahuni, latri , preputenti,
Pezzienti, sbrigugnati, muorti 'e hame;
Cchi genti siti? Cchi razza de genti?

A quale Dia vui apparteniti?
Cu' cce jati di fronte alla “Madonna”
Sapiendu ca haciti 'i parassiti?

E cchissa ie' lla cuscienzia d' 'u cristianu?
Quandu aviemu 'e cumprare e costruire,
Siti venuti a ne dare 'na manu?

Senza nulla vrigogna e senz’affanni
Aviti misu 'nguerra 'u “Sindacatu”,
Ch'ie' statu quasi 'mpace ppe vint'anni.

Me lagnu 'e tanti, ma cchju' assai de vui
Chi ve criditi d'essere civili
E appiccicati hùocu intra de nui.

A serieta' cci 'aviti misa tutta:
S'ere' criata 'na “Comunitate”;
Vui, chjianu chjianu, l'aviti distrutta.

Nd'aviti 'e chjiange' li peccati, a turnu,
Ppe cchine à' lavuratu quarant'anni,
Vint'anni 'e notte e n'atri vinti 'e jurnu.

E 'un siti sulu li tamarri 'e hore;
Cce sunu certi tamarruni 'e intra
Chi hanu vombicare anima e core.

Aviti hattu 'i sordi ccu lla pava,
Ma 'ud'arrivvati mai a be scorchjiuvare
De chilla corchjia che v'arrevugliava.

E siti povarielli veramente,
Apparteniti alli “sciacquavattuche”;
Senza 'nu prìevite 'un serviti nente!

Aviti hattu ride tutt' 'e razze;
Sapiti sulu copaniare 'u nasu
Haciendu pallarelle ccu cacazze.

Orgogliu mia chi àvutu te tiegnu,
Scusame si ppe cchissi, certe vote
Ia me vrigùognu 'e dire de ndo viegnu!