Ma cchi faciti allallirta cu' dui trunzi?
Annu passatu ve hacievu 'i mastri;
Guannu prisientu a bui piezzi de strunzi.

Ai guanne toc inglish chjianu chjianu
Aviti 'ntisu cchi kaine de guords?
No laike de languicciu paisanu.

Cce jivi a capitare propiu ia,
'Ud'anu dittu mancu "bona sira",
Cu' su' aducati si cugini mia.

Voi Toni nud'offendere a Nicova,
Si ancore nun sa' stare 'ncumpagnia,
Va cumprate 'nu libru e ba' alla scova.

Ai hope mi no spicchi cianìse,
Mi non capisciu iur crèisi guèi,
Iu guappi, iu non du laike thise.

Non bi escème iu, non stend beccke,
Iu laike spaghetti e mitbolle
E pliss non sei iu are mangiacheccke.

Mangiative lu 'nglese e lu latinu,
Ia me hazzu 'na fritta de patate
E mi cce huttu 'nu bicchieri 'e vinu.

Accussí te divienti  'mbriacune
Ie' miegliu ti nde huji de Torontu;
Te hazzu cancellare d' 'u Cumune.

Le cumpru 'nu sinale e 'na bisazza,
'U mandu allu paise de lu Lagu;
Va' civadi 'e galline 'mmienzu 'a chjiazza.

E bui restati ccâdi a st'aria hina,
Ve pigliati 'nu cane ppe capizza
E llu purtati a cacare ogne matina.

'Un buogliu vinu e né ve circu birra,
Si me vuliti dare nu turdillu,
Ca 'u stomacu me ha gua-urra ghirra

Mue li "tri stucci" v'anu 'e salutare,
A rivederci allu settantasette;
Si amu sbagliatu n'aviti 'e scusare