Strina finita  di comporre  durante il mese di dicembre del 2003 e cantata da Peppino Berardi alla rassegna della "Strina laghitana di Toronto ", nel gennaio del 2004.

 «Caro compagno che sei a capo del Comune, pare che tu stia commettendo un errore. Ti ho visto in processione che portavi l'ombrellino ai preti. Non riesco a credere ai miei occhi!
Attento perché ti sfrutteranno; ti  useranno da schiavo e, poi, ti tradiranno come ha tradito novello Giuda.
Caro compagno, ti saluto, ma ti prego getta via quell'ombrellino; non dare un brutto esempio al nostro partito!».
 


Metro - Terzine di endecasillabi a rima alternata

Cumpagnu chi cummandi lu Cumune,
Te scrivu quattru righi ppe tte dire:
Me pare c' a' cummessu n'ammarrune.
  
Me si' cumparsu supra 'u  "bullettinu"
Avanti avanti de 'na pricessione;
Te hacienu purtare l'umbrellinu.
 
Ancore 'un puozzu cride' all'uocchji mia;
De n'accanitu de "bandiera rossa",
T'àû  cumbertutu alla demograzia?
 
Chillu Signore chi tenìe a fiancu,
‎'Un pare seriu cuomu avissid'esse'
Unu chi portadi 'u cullaru jancu.
  
Quandu ie' benutu ccàdi a' predicatu:
"N'àmu 'e minte d'accordu ccu Giacondu
Ppe costruire 'a casa 'e l'emigratu."
 
Jiedi allarmandu la popolazione:
"Si lu Cumune 'u mme dune' llu lottu,
Vui m'aviti 'e firma' 'na petizione."
 
E sse hacie' lli dispari e lli pari;
À'  'mpapugliatu chille himminelle,
Chi l'ànu carricatu de dinari.
 
Mue, su' due vote chi vene' cuntientu;
Chine le dune' 'na stritta de manu,
Chine le molle' 'na carta de "cientu".

Signu sicuru ca venadi 'apede,
À' già  truvatu lu "Capu Priure"
Ppe dire lu  "Rusariu" intra la sede.
 
‎'A sede ie' traspurmata a 'nu cummientu
Ndo vànu preganu li "tradituri"
Chi vùonu la cuscienzia 'nsarvamientu.

Ia chi l'avie' pigliatu ppe 'nnu pazzu,
Avie' ragiune chillu paisanu
Chi à' dittu: "cchi paise 'e mavu razzu!"

Vida ca puru a ttia jòcanu 'a cuda,
Primu te ùsanu cuomu 'nu sìervu
E doppu te tradisciaû  cuomu "Giuda".
 
Cumpagnu, te salutu, àju hinitu;
Jetta chill'umbrellinu a 'nu spuntune,
‎'Un dare mavu esempiu allu "partitu"!