Franchino Palermo è, forse, il piú grande interprete della strina laghitana. In lui, amante fedelissimo di questa tradizione, il senso dell'umorismo è sempre spontaneo ed efficace.
Qui, egli, innalza un canto alla sua vita, iniziando da quand'era ancora ragazzo e chiese tre grazie al Signore.
Con la prima grazia chiedeva di poter crescere alto e forte e di bell’aspetto; con la seconda, di trovare nella compagna della vita una donna amica e piena d'amore e, con la terza, s’augurava che la moglie stesse bene e che lui fosse sempre in piena forma virile in modo da potersela godere.
Metro - Terzine di endecasillabi a rima incatenata.
Tuttu cuntientu e chjinu 'e fantasie
Signu venutu a be canta' la strina;
Puortu l'aguri d' 'u novantasie.
Sempre ccu buce chjiara-cristallina;
Sempre vrusciatu de lu stessu amure;
Sempre ligatu riestu a sta terzina!
Cantu alla vita chjina de sapure
Ncignandu 'e quandu ancora guagliuniellu,
Quandu circai tri grazie allu Segnure.
Vuogliu campa' cchjiuntuostu povariellu,
Dissi allu Pateternu; e famme crisce'
Avutu e forte e 'nu giuvane biellu.
Jivi a me cuse' 'nu vestitu a strisce;
Vint'anni nun l'avie' pigliati ancore,
Tandu custau dinari, se capisce!
Chilla matina quandu escivi hore
De tutt' 'e giuvenelle ere' guardatu:
Franchinu ere' cunzatu cu' n'attore.
Franchino Palermo (clicca sull'immagine per ingrandire)
La scampitai de partare surdatu,
E quandu, pue, la guerra fu finita,
Ppe n'atra grazia signu 'nghjinucchjiatu.
Vuogliu 'na muglierella sapurita
Sempre chjina d'amure e sempre amica
E à de vastare ppe tutta la vita.
Grazie allu pateternu e benedica!
M'à' distinatu 'everu 'na pacchjiana
Chi ancora 'un ci nde manca' 'na mullica!
E puru muoni chi s'ie' fatta anziana
Se vesta' bella chi para' 'na sposa,
S'arricciadi 'a gunnella e lla suttana.
Muglierama ie' cchjiu´ bella de 'na rosa
Crisciuta intra 'na grasta 'e pisciaturu;
M'a’ fattu nnamurare 'e chilla cosa!
Ancora ne gudimu, v'assicuru;
Ed ia l'ajutu, e vuogliu esse' giustu,
Ia bene ad illa li nde vuogliu puru.
Mue hazzu tanta huma e puocu arrustu;
Pare ca m' 'a vulissi rusicare;
M'affannu tuttu e nun ce pigliu gustu.
L'urtima grazia chi vuogliu circare:
sta muglierella m'àdi 'e stare bona
E llu strumentu mia àdi 'e funzionare.