Composta tra il 24 e il 30 dicembre 1986, questa strina, fu presentata alla sesta edizione della strina laghitana di Toronto, i primi di gennaio del 1987.

Componimento satirico diretto a sferzare il costume dei malfattori, ovvero, di alcuni teppisti vanitosi tendenti al fanatismo, presuntuosi e privi di senso sportivo, che hanno indotto l'organizzazione del Festival della strina ad abolire la giuria ed hanno causato anche dissapori fra alcuni dei soci. Ahimé, ci siamo accorti che, nella nostra comunità, abbiamo ancora un branco di galline che schiamazzano… E l'arva 'e jurnu 'u lla vidimu mai! S'intenda: non raggiungeremo mai il livello di civismo di altri gruppi che sanno stare uniti e compatti.

Metro - Terzine di endecasillabi a rima alternata.

 

Ve hazzu i miegli aguri ccu llu core,
E menu male ca intra l'atri guai
Pare ca 'na chitarra son' ancore.

Stasira ccu llu cantu e ccu llu suonu
Vulissi ringrazia' certi signori
Chi sanu hare ncu' 'a cosa de buonu.

Ad atri amici le dicu 'na cosa:
Intra le spine chi pungianu a bui
Viditi ca cc'ie' puru ncuna rosa.

'U male vuostru ie' ca un cce criditi;
O 'e rose le cugliti malamente
Opuru uocchji e nasu nu nd'aviti.

Haciti veramente cose 'e pazzi;
Ve jati scotuvandu la via via;
Pare ca siti chjini 'e gallinazzi.

'Ntoniu vulissi' costrui' 'na turra,
Ma illu 'un bale' ppe 'na cantunera
Ne' ppe 'na scaglia e nne' ppe 'na savurra.

Pascale 'a perfezione de lu mundu,
Eppuru 'un si' ne' d'avutu e nne' basciu
E nne' si' quatru e nne' me pari tundu.

Michele chi te sienti 'nu palazzu,
Si 'un cridi a mmia hattilu dire 'e n'atru
C'assimigli a 'na testa 'e cavuvazzu.

Ppe Giorgiu chi 'a giuria a' sbagliatu certu
Ed a' criatu 'e cricche e n'a' divisu:
E tuni si' sicuru ca si' sbertu?

Eppuru cce mintere' 'na scummissa:
Si misurassi tutti li ciarvielli,
Probabilmente tu si' llu cchjiu` fissa!

Mue te pare cchjiu` bella 'e sa manera,
Chi doppu chi a' cantatu e te ricuogli
T''a giudicanu i higli e lla mugliera?

Assettate vicinu 'u hocuvaru
Ed usa 'a cinnara d' 'a capu tua;
Vida si 'u cuntu te ritorna' chjiaru.

Vue chi t' 'u dicu ia cu' 'nu lampu?
Quandu jocau l'Italia e lla Germania
Cacciamu l'arbitru de 'mmienz' 'u campu!

Diciale a Micantoniu e cumpagnia
Ca i populi civili stanu assiemi.
L'unione ha' lla horza, bielli mia!

Chistu ie' 'nu gallinaru chjinu 'e guai:
Cantanu sulu 'na murra 'e galline
E l'arva 'e jurnu 'u lla vidimu mai!

(clicca sull'immagine per ingrandire)

Signori aju hurnutu de cantare,
Ia dicu cuomu Massimu d'Azzegliu:
"Ancore i laghitani l'amu 'e hare!"